obvi-arte

ANDAS POR AÍ

xogando a dar pena

debuxando con ollos insomnes

equinocios

e eu sen enteirarme

todo o que fun

todo o que serei

danza comigo no que son 

neste instante

de realidade condicional

o que tiña que dicirche
era tan fermoso
que o esquecín
no camiño

lembrareino
cando volva

a lúa suicidouse

botándose ao mar

dela só fica

un leve rastro

de sangue

alaranxado

que se disipa

sen despedirse

Third Ear Band - "Ghetto Raga"

todo canto desandei

se puidese agora andar

todo canto desandei

volvería camiñar

polos prados que pisei

para perder de vista

o meu destino